由願意了解病人需要的專業精神科醫生 – 陳蔓蕾精神科醫生，助您認識各心理與精神科問題
如何前往:
聯絡查詢:
港人壓力大，抑鬱症越趨普遍。若確診抑鬱症，患者有需要服用多種抗抑鬱藥物，必要時或需加大劑量。當服用兩種或以上一定劑量的抗抑鬱藥物，並持續一段時間，治療效果卻不甚理想時，醫學上便稱為「難治型抑鬱症」。統計顯示，有關病人佔抑鬱症患者多達三分一，絕對不容忽視。
現時醫學界積極發開發針對谷氨酸系統 （glutamate）的新抗抑鬱藥物。透過雙管齊下的藥物治療方案，對比過去30年的主要透過調節大腦中單胺系統（monoamine）抗抑鬱藥物，包括血清素、多巴胺和去甲腎上腺素的信號傳遞療法，臨床所見平均大約服用二至三星期才見效，而且並非對所有抑鬱症患者都能奏效之下，患者使用針對谷氨酸系統 （glutamate）的新抗抑鬱藥物有望在更短時間內減輕抑鬱情緒，得到緩解。
抑鬱症有多種治療方案，各有其成效、副作用及限制，患者應與自己的主診醫生商討，選用最合適的治療方案。若出現抑鬱症症狀便應儘早求助及求醫，及早治療處理症狀。
若想了解更多有關針對谷氨酸系統 （glutamate）的新療法，可按此參閱詳情，或直接聯絡查詢。
主持人 : 咁點解更年期嘅女士，呢風險會高咁多㗎呢？
精神科專科醫生陳蔓蕾醫生 : 其實主要係因為我哋女性，去到更年期嘅時間，我哋嘅排卵就會慢慢減少，個排卵嘅次數會下降。咁從而就會令到女性嘅荷爾蒙一路逐漸降低啦，到最後會完全停止。咁喺呢個期間，個身體會有啲改變。譬如我哋啲皮膚，以前有女性荷爾蒙嘅話，就會更加細致更加嫩滑；如果冇咗，個皮膚就會變得粗糙咗啦。嗯咁，聲音方面，女性通常會高音啲㗎嘛，但當女性荷爾蒙慢慢少咗，個聲音就會慢慢變得更加低沉。咁同埋，個身體嘅體型亦都有啲改變，譬如胸部會逐步縮小，條腰會慢慢變粗，個趨向就好似一個男性咁樣嘅外形。咁下身陰道會變得乾澀，亦都令到性生活嘅過程可能會有啲阻滯。咁所以呢啲女性角色慢慢改變，變成一個好似模糊咗咁樣，都會令到女性帶來一啲困擾㗎。嗯，咁所以會令到女性特別容易有抑鬱症咯。