主持：
我話想請教陳醫生，咁要在而家傳統醫療方法上面點樣幫到佢哋呢？
精神科專科醫生陳蔓蕾醫生：
其實主要都係分藥物治療同埋心理治療的，在心理治療方面就是有：
譬如認知行為治療。
藥物治療方面：
主要就係血清素。
這些都是一些常見的治療方法。
主持：
這些是否對一些普通症狀可以幫到他們呢？
譬如行為治療，點樣行為治療法呢？
精神科專科醫生陳蔓蕾醫生：
其實譬如有一些人諗嘢的方法向來都是好負面的，而他們會諗的事情呢，譬如我有問過我遇到一個病人，我問佢如果老細今朝要開開心心咁拿杯咖啡請你飲，你會諗什麼呢？
主持：
我驚啊！我會好驚咯！
係喎！點會開心！
驚啊！唔知仲有什麼更加重壓落嚟啊！
咁是否這樣呢？
精神科專科醫生陳蔓蕾醫生：
是的，佢第一件事就有諗的是，哇！你請我飲杯咖啡，平時都冇咁好死，請我飲嘢肯定要大鑊嘢！
主持：
哇！真係㗎！
哎呀！咁我比較遲鈍啲！
精神科專科醫生陳蔓蕾醫生：
係啊！但是其實如果人諗嘢就咁正面一些，普通一點，咁你請我飲杯咖啡，我講聲多謝這樣就好！
這是否唔使諗咁多事情吧！
真係揾嘢有嘢叫我做，一陣間先算！對吧我哋活在當下嘛，唔好諗咁多這些！
主持：
行為治療是要成日同佢傾偈說服佢的嗎?
要同佢分析究竟件事其實有幾差，同埋有幾好及聽唔聽得入耳呢?
精神科專科醫生陳蔓蕾醫生：
其實多數呢會聽的，但是需要不停地不停地灌輸，好似令到佢記得自動自覺唔好再跌返落去，佢自己諗嘢的時候，這過程要時間的！
主持：
其實都相當需要時間。