關於放完一個長假後，感覺失落，然後伴隨負面情緒，是否會這樣呢？亦有什麼症狀呢？這是否逃避現實？TVB 無線電視翡翠台《流行都市》關於「放長假後心情欠佳處理方法」訪問

主持：
放完一個長假，例如係新年假後，突然間要開始做返嘢，即放完假後會感有啲失落，跟住就會伴隨一啲負面情緒，其實係咪會咁既呢？同埋係有啲咩症狀既呢？

精神科專科醫生陳蔓蕾醫生：
其實都係會㗎，你諗下如果我哋放假既時間就好似如入咗去戲院入便睇場戲咁樣，哇套戲好睇啊然後睇睇下睇完……咦！燈又開返，跟住又見嗮啲櫈，咁我哋又要行返出去啊，又好似面對返現實咁。咁我哋平時返工果啲壓力，面對既工作果啲事情，全部都要返返嗮嚟啦！咁當然係心情會變差㗎啦！

主持：
這樣算唔算係逃避現實？

精神科專科醫生陳蔓蕾醫生：
其實做人都係需要唞下的，又唔算係逃避現實的。

主持：
但係奇怪在呢，點解係每次都係假期之後呢？呢種既感覺又點解會出現既呢？
假期之後係一個新既工作既開始這樣，你禮拜日都係假期嚟的吧？

精神科專科醫生陳蔓蕾醫生：
禮拜日係一日而已好短時間，但你長時間呢，你就會覺得，真係好relax啊！咁突然間一個relax突然間就變咗又再開始過喎，咁果下開始就諗住一些積累咗數日既工作，好多嘢未做完，咁你就會覺得壓力大。