主持：
哪些類別人士特別容易出現呢個情況呢？
精神科專科醫生陳蔓蕾醫生：
其實好多人士都會有呢啲問題的，咁我遇過有些病人，譬如有一個係做普通文員，但係佢本身平時有好多文書的工作，但係佢老細，可能好好心啦驚佢睇唔到佢錯既嘢。然後，佢就會用一些比較大的fonts，然後將佢錯既嘢放大，跟住仲要再變成紅色，驚佢睇唔到咁，但係呢個小小既職員睇到個心就卜卜卜卜咁樣跳！就覺得哎呀死啦！又錯又呢樣錯又果樣錯咁，呢個心理壓力就好大啦！同埋亦都會影響咗佢自己既自信心。因為見到咁多嘢錯，就會覺得緊張及唔開心。
咁另外一個病人，就係金融財俊嚟，咁佢開工時，就係朝頭早早點就開工㗎喇，咁個老細就預咗佢一早就會預先睇定嗮啲資料。八點半就開會，九點鐘開工，咁開工開到lunch time，lunch time時老細就會同佢檢討，佢今日上晝做錯既所有事情，出的錯誤，跟住下晝又繼續開工，收工之後呢，又會賽後又檢討，咁檢討完之後，收工喇 on the way 會返屋企，就會俾一堆資料俾佢嗱你今晚呢就睇咗佢啊！聽朝又繼續開會了！
於是乎呢果個人呢就會覺得，哇！我真係睇到就胃又痛啦！果個頭又痛啦！跟住呢又好辛苦好攰集中唔到精神，咁長期的話譬如：話受工作困擾果的人士放完長假之後，係咪這個感覺會更加強烈！會諗住放長假時，我仲有兩三日就放假死都捱埋去啦！開心住咁等待和期待係最開心吧。但是當你完咗假期既時間，等待你既就係一大堆工作未做完，重新再開始做，這時心情梗係沉好多吧！