輕度智障會有腦退化嗎?
問題 : 不斷搵野
妹妹有輕度智障
近年開始唔記得自己有冇擦牙,洗澡及開始不斷搵野,因唔記得自己d野放咗係邊,非找到不可
當找不到時就會話留底係自己去過的地方,堅持要出街搵
家人有教他唔見咗要冷靜慢慢搵(他搵不到時會非常緊張及會要求我們幫他搵)/唔好再諗/搵,因係街唔見就會比人棄掉唔會攞得返或仲有其他代替品可用
妹妹口頭話唔再搵,但他會繼續不斷搵/話留底咗係街
因為他的堅持開始令家人有情緒失控,當他不聽說時家人會鬧/打他,亦都有試過用獎勵的形式希望令他停止搵野的行為
但這些做法都不見效
另一情況是當搵到時就會話唔見另一樣東西繼續不斷搵
我們不肯定妹妹是開始有腦退化還是精神病,希望得到專業意見,謝謝
你好,
有些輕度智障的病人,例如唐氏綜合症,是有可能患上早發性腦退化症的。
患有腦退化的病人常常忘了自己的物品擺放的位置,於是便不斷尋找。有時,找不到還會發脾氣或覺得是別人拿了而大發脾氣、情緒失控等等。其他腦退化症症狀也有可能出現,例如睡眠時間顛倒,如白天睡覺,晚上才起床活動;個人衞生自理能力減弱等等。
其他的可能性包括強迫症、妄想症等等。
不過,根據你的描述並未能確定你的妹妹真的是患有腦退化症,必須臨場面見才能確定。其他有類似的情況的例如妄想症、強迫症也有可能出現類似的情況。
謝謝
陳蔓蕾醫生