主持︰
由於都幾難衡量思覺失調能否可以康復回初的，雖然話大概有三分一人唔需要長期食藥，咁每個人都想自己也是這三分一的吧，這樣他們會否只想著三年的界限呢？

精神科專科醫生陳蔓蕾醫生︰
都會的，不過這種事情，其實暫時醫學角度就還沒可以分到那些人是，真係可以康復，還有那些人是要
食耐一點時間藥，暫時都未必知道，但不過現在科學每每日日新月異吧！可能你食完三年之後突然之間發現咗你可以即時知道，搵部機嘟一嘟就知，也有各種可能性吧！
咁大最起碼而家食緊這三年都正正常常可以過回個正常的生活吧！

香港電台《精靈一點》
香港精神科醫學院系列
本集主題︰思覺失調
主持︰嚴祟天、江卓儀
訪問嘉賓：陳蔓蕾醫生 (精神科專科醫生)
日期：30/12/2022

主持︰
而有色眼鏡即是有時未必定是自己身邊的人，可能連自己患者本身都會有。
即是有些人會不會在個情況是由開始覺得可能自己都有些同以前的行為不同的轉變。
身邊亦都有人同佢講話不如你去去睇醫生，
咁會唔會有些病人就會可能好反感，‘’我無事我好正常呀做咩要睇醫生‘’
如果係遇到這些情況應該點做呢？

精神科專科醫生陳蔓蕾醫生︰
其實呢就多些同他分析一下，令到他了解到其實你是否真的真心覺得是否真的和以前一模一樣先。
大多數情況你真的問到這句話，多數都會回應，其實都係有些不同的，其實係些唔同，不過自己覺得
不是太大件事而已。
但是應該在這個回應的時候，就只需點出就是唔係咁大件事，你去睇睇醫生就將這個小小問題改正過來，這樣就很容易解決吧！
冇理由等個問題變到好大好大解決唔到的時候才搵醫生吧！對吧！

主持︰
我覺得呢個呢個呢個講法非常之好喎即係都可以令到嗰個患者本身，跌咗落去你本身設下的語言應對位置中，等佢真的在一時間都冇辦法去否認我真是有唔同了。
可以去說服患者咁做，我覺得是個好好的做法。

精神科專科醫生陳蔓蕾醫生︰
是呀！其實根本這一個病不是真的是個好可怕的病來吧，其實就好像一個普通的病，即是血壓高、糖尿病這樣，你不會說血壓高這樣我唔睇醫生了，我有血壓飆到200由他吧，不會這樣吧是嗎！而在百六百七的時候，已經去睇醫生食藥吧！對吧！
不會等到爆咗血管了、中咗風了，我才睇醫生吧！
其實病向淺中醫這個說法在什麼病都是正確的！

香港電台《精靈一點》
香港精神科醫學院系列
本集主題︰思覺失調
主持︰嚴祟天、江卓儀
訪問嘉賓：陳蔓蕾醫生 (精神科專科醫生)
日期：30/12/2022