主持人：嗯，咁如果真係有呢一個即確定咗佢有呢一個廣場恐懼症或者幽閉恐懼症啦咁，嗰啲治療方法係點呢？因為我見過係咪好似拍劇咁樣呢，就會拎個紙袋帶定喺身有啲咩呢，就喺個紙袋嗰度呼吸。我唔知呢一個係劇情需要啊，定係真係有一個治療係咁樣做㗎呢？
精神科專科醫生陳蔓蕾醫生：哦呢一個就真係頭先我講嗰個過度換氣既情況喇。嗯其實我哋過度換氣就將我哋二氧化碳呼晒出嚟，然後就令到身體酸鹼度短暫失衡。咁我哋用膠袋笠住個嘴，其實最主要就係封住咗嗰啲二氧化碳既出路啊，等等佢留返喺個袋入邊。咁我哋再吸氣既時間呢，就會吸一啲高濃度既帶既空氣帶有多啲濃度既二氧化碳入返個身體度，令到我哋嗰個二氧化碳失衡嗰個情況快啲正常返。不過最緊要千祈唔好以為佢係一個氧氣罩，我唔夠我要好大力好大力咁唞呢，其實調返轉，我哋應該係好慢好慢咁樣唞氣，幻想自己係瞓覺個肚脹既慢慢脹慢慢呼出嚟咁先至會有效㗎。否則呢個二氧化碳濃度呢，仍然會係偏低咁我哋呢件事就唔會幫到手㗎喇。嗯咁要去到即係有個咁緊急時候既處理，都即係要可能一早有相關既認知啊或者知識就比較緊要啦，無論係幫自己或者幫身邊既人。
香港中華醫學會會診日
主題：廣場恐懼症和幽閉恐懼症
嘉賓：陳蔓蕾醫生(精神科專科醫生)
主持: 葉韻怡,虞逸峯
香港電台第一台 精靈一點