嗯！明白！咁醫生我又想問下佢哋啲患者呢有冇一啲自救的方法㗎？
精神科醫生陳蔓蕾醫生：
咁其實自救方法呢有好多的，而家有一啲自救的方法呢。
譬如嗰嗰個患者
唔好去一啲任何賭博的場合，包括其實佢行路，可能放工的時候，經過某一啲佢成日入去賭的地方呢，其實都要兜路行㗎woo。
咁啊要培養一啲賭博以外的嗜好啦，等佢自己唔會平時賭賭錢的時間，佢係呢啲空白咗的時間佢要填返滿佢，唔好等佢又行去走去賭錢啦咁。
有陣時呢個限制的賭博金額，譬如有啲投注的戶口，其實係有自動轉賬㗎嘛，就cut咗佢每一次都要行入去入錢，真係趕盡殺絕㗎咯！
係啦，你每次行去入錢的時候你就知道啊，我又跌咗幾多錢落海啦咁樣，你唔會無限制咁不停咁賭落去啦嘛。
因為自動轉賬你就唔知㗎啦，咁亦都係限制現金流同埋現金的供應啦，唔好帶咁多錢係身上便啦。
譬如如果令到精神壓力大的時候就會想賭錢的人呢，咁就多啲做運動啦，同埋當佢好想好想賭錢覺得個人好緊張的時間
做一啲放松的練習咁都可能有機會幫佢可以控制到的賭癮的。
咁亦都呢每一次舍低佢自己賭錢之前，佢有咩感想，佢之前發生咩事然後呢，從而就睇下有冇一啲端倪睇到啊，我原來每一次有呢個感覺或者每一次有呢啲事發生的時間呢，我就會想去賭錢咁，從而我哋控制呢一件賭博之前發生的成因而令到嗰個賭博的次數減低，咁最後呢當然係可以善用呢個電話輔導戒賭熱線啦，咁啊等佢可以同個輔導員傾下偈咁，等佢個格力舒緩啦。