主持：
即係又係有抑鬱症又頑治性抑鬱症啦，其實有冇得預防的呢？
即係有啲咩方法，可以讓喺果個精神健康可以維持得好呢？
精神科專科醫生陳蔓蕾醫生：
咁其實呢又咪好像究竟點樣可以預防感冒咁樣咯。
嗱咁如果你個日常生活有規律咁做一啲有運動啊咁，得閒就會出去做一啲有益身心的活動啦咁，平常工作壓力就要舒緩一下啦，譬如不開心就和身邊的人即係分享一下，等自己呢唔好屈埋啦咁，呢啲都會令到成個人整體健康都會好啲。
咁如果你既身體健康精神健康噝話，咪好似身強力壯咁，本身你都會少啲感冒㗎啦。
主持：
嗯咁我聽講呢話即係食蕉啊或是呢飲牛奶呢嘴都可以，即係舒緩或改善呢一個情緒問題個woo？
精神科專科醫生陳蔓蕾醫生：
咁原理呢就係食咗一啲有營養而呢啲營養的物質呢本身就係做呢啲腦傳輸物質的原料嚟，咁但係因為吸收咗之後，你有幾個關卡先去到大腦㗎嘛，咁同埋去大腦
係咪去到一個適當既位置呢，其實都有好多不同既考慮因素既。咁雖然食咗會讓你原料增加啦但係到最後係咪真係入到你大腦適當既地方呢咁其實都係未必一定會既咁所以只係可以增加原料提供咯。
主持：
咁樣啊我啊醒目喇，我啊四圍去揾呢啲呢營養食品補充食咗啲補充劑之後呢又得唔得呢？
精神科專科醫生陳蔓蕾醫生：
咁原理都係同食有營養的食物一樣啦，嗱其實你入咗個肚入便喇，咁其實有幾多吸收咗然後有幾多去到大腦呢，其實仲有很多不同原因會去㗎嘛。
咁呢一樣嘢呢你就係補充咗第一個關卡喇。