陳蔓蕾精神科專科醫生
主持：表妹@8杯水
主題：認知障礙症患者，有咩非藥物治療方式？｜腦退化 認知障礙 腦退化成因 腦退化症狀 腦退化預防 特定醫學營養｜@Zoom仔搵醫生｜@8杯水
主持：
非藥物治療的方式呢會有邊一啲呢？
陳醫生(精神科專科醫生陳蔓蕾)：
我們成日都提倡就係多啲做運動！因為其實有些新的研究就係顯示，我們的手眼協調、我們點樣認路，這些其實都係對個大腦訓練係好重要㗎！
有些日間醫院，他們係會提醒啲公公婆婆，今日係幾月幾號啊、星期幾啊、而家係去端午節喇、差唔多咁端午節要做啲乜嘢㗎、係咪要包粽啊、係咪大家要爬龍船啊。咁提醒返啲公公婆婆，時令、時間、季節呢！
同佢而家日常生活的關係，因為好多時間這些公公婆婆呢年紀大咗，好似所有嘢都同他們唔係太有關係時，咁呢就會久而久之呢就會覺得都唔使啦，我坐喺間屋度，乜都唔使理啦咁樣咁樣。
但係其實呢咁樣就會令到個腦退化更加快，咁其實係應該接觸下啲事物，而家社會的事情，知道下社會發生的事情，同埋呢佢如果識得做的嘢，盡量都畀佢做吧。
當然啦係要控制係身體如三高，因為這些直接破壞腦細胞的疾病，我們都要好好咁控制血糖啊血脂同血壓，我們一定要控制得好好。
最後就係飲食習慣，係食一啲有益的食物。
譬如有些Omega-3(奧米加3脂肪酸)或者DHA或者其他有些係好的如地中海類的飲食，其實都會令到個身體延緩他們衰退化的情況。