如何從細微地方開始留意到身邊的朋友或者親人有思覺失調的情況呢？
香港電台《精靈一點》[思覺失調主題] RTHK 香港精神科醫學院系列，嘉賓精神科專科醫生陳蔓蕾醫生。

主持︰
如何發現身邊的朋友或者親人，防止他們真係越來越嚴重和要早些發現，應該有那一些細位開始可以留意到他們有思覺失調的情況呢？

精神科專科醫生陳蔓蕾醫生︰
首先可以觀察下佢有冇一些行為上的轉變，一般譬如在其他問題上提及過有一些急性的病人同埋慢性
開始的病人。
譬如急性嘅病人通常好容易察覺到，他們會突然之間講嘢亂曬龍或者突然間話有多幻覺同空氣講嘢又或者突然之間有被迫害妄想，這些症狀其實就好容易發現的。但是慢性開始的病人就要多些觀察，譬如他們以前是一個開心活潑的年青人來，慢慢少了說話，慢慢唔鍾意睬人又慢慢地就鍾意坐在屋企個廳度打機，同啲friend一路打機一路一路傾計這樣，慢慢就變成又唔同 friend 打就自己打，跟住慢慢地就坐在房入面打，慢慢地成日都唔離開間房。
另外自己的衛生程度一路每況愈下又或者做緊工作的，就最初是返到長工的，慢慢就變成份份工都返唔長。慢慢由 full time 變 part time ，慢慢就一個月都返唔到一日 part time ，咁這些其實都是一個功能性的衰退。
如果發現這些情況的話，就要留意一下。

香港電台《精靈一點》
香港精神科醫學院系列
本集主題︰思覺失調
主持︰嚴祟天、江卓儀
訪問嘉賓：陳蔓蕾醫生 (精神科專科醫生)
日期：30/12/2022