醫生你好，
其實我一直都係一個幾樂觀嘅人，平時都係哈哈笑嘅人，但每次身邊人無意一句說話就會傷害到我，我會諗好多野，覺得自己做得唔夠好，好似冇人會在乎我，即使我消失咗都冇所謂。但自問作為朋友我已經付出咗好多，我覺得好攰好辛苦，好大壓力。每次唔開心都只係會自己一個匿埋消失一陣，好快就冇事。其實我身邊好多朋友，個個都覺得我好開心好幸福，但其實只有我自己知道自己有幾孤獨。
但呢段時間，我覺得神經越嚟越敏感。個人好情緒化，好容易喊，有時會突然間喊，有時一喊就一發不可收拾咁，好似崩潰咁。然後我會自閉幾日唔理人，之後消化完冇事又繼續同平時差唔多。我係時不時都會情緒化，一個禮拜幾次，但係唔太嚴重，但最近係覺得情緒問題嚴重咗。
有時睇到啲事情會内疚會自責，會覺得自己冇用，做極都做得唔夠。
曾經都有出現過自殺念頭，如果我冇生存喺個世界上會唔會好啲。
因為我懷疑自己係咪有情緒病，我覺得好辛苦唔知點算，我唔知應該點做，好迷惘，我唔想再係咁樣，咁樣生活好攰好攰……
精神科醫生陳蔓蕾回覆：
你好，我想你的朋友一定會為着身邊有你這位朋友而感到高興。如果他們知道你遇到的困難，他們一定會伸出援手，幫助一個像你這樣平時樂於助人的朋友。
其實每個人亦也是一樣，面對困難有時能夠自己一個人解決，有時卻需要別人從旁協助或開解。因此，如果如有自己不能解決的困難，不妨和你身邊的人傾訴，可能有意想不到的效果呢！
如果長期收押，難免精神方面受到損害，有可能導致焦慮甚至抑鬱，為避免這種情況發生，最好還是在未發生之前盡早解決。
一旦心情已經變差，形成了抑鬱或焦慮症，便需要尋求專業人士的協助，進行心理甚至藥物治療了。