主持人：嗯陳醫生啊咁頭先我聽到呢就係有時都要屋企人啊或者身邊既人呢去協助啦成件事。咁進入一個治療既階段既時候，會唔會好多時即係都要屋企人嚟到啊一齊聽可能喺個生活上邊人啱啱進入呢個治療或者要幫幫佢哋去理解呢件事邊啲係自己過度驚既時候，佢哋都擔當住一個好重要既角色啦。
精神科專科醫生陳蔓蕾醫生：係啊，因為認知行為治療入邊呢，其實仲有另外一個叫做exposure既graded exposure既練習的暴露治療暴露治療。咁呢一個暴露治療呢，其實我哋會將個難度呢一級一級好仔細咁分開。咁最初既通常一般病人都會覺得最容易可以handle到既呢，就係有屋企人喺身邊然後陪住我去克服呢一個最低難度既級數。咁所以屋企人如果可以陪住佢一齊克服呢件事既話，咁當然係可以事半功倍啦。咁另外呢，有陣時個屋企人喺身邊既話呢，佢自動都會覺得安心啲個呢。咁呢一個暴露治療呢亦都會容易啲可以快啲進行到高啲既級數個呢。
香港中華醫學會會診日
主題：廣場恐懼症和幽閉恐懼症
嘉賓：陳蔓蕾醫生(精神科專科醫生)
主持: 葉韻怡,虞逸峯
香港電台第一台 精靈一點