主持人 : 醫生，一路講緊女士更年期，其實男士，當然唔會排卵，會唔會都有更年期呢？
精神科專科醫生陳蔓蕾醫生 : 嚴格嚟講，醫學上話男士冇更年期，因為佢唔會排卵。但佢面對嘅健康難題、家庭崗位轉變、工作挑戰其實都一樣。所以男士去到呢個歲數，都特別容易有抑鬱症。
主持人 : 咁用咩預防方法啊？
精神科專科醫生陳蔓蕾醫生 : 預防係保持心境開朗，多啲日常做運動，適當運動對心情有幫助。曬下太陽、食有益食物，遇到困難多同屋企人傾訴，可能舒緩心境，冇咁緊張。多做放鬆運動如瑜伽、靜觀練習，令心情開朗一啲。當然唔可以少咗見親朋戚友，做開心活動，放低煩惱，令自己正向一啲。