主持人 : 醫生，頭先你講更年期抑鬱症同一般抑鬱症係一樣，咁喺治療方面，會唔會兩者有唔同，又或者完全一樣呢？
精神科專科醫生陳蔓蕾醫生 : 其實係一個角色嘅過渡嚟㗎。當然心理治療係必不可少，要同佢做一啲心理治療，令佢放鬆啲，面對成個環境同身體嘅改變。點樣適應新環境同身體改變，可以做一啲心理治療，例如靜觀練習、鬆弛神經嘅練習，呢啲都會改善心情。咁另外，藥物治療方面，除咗正常嘅方法，譬如血清素、副腎上腺素之類嘅抗抑鬱藥之外，仲會加一啲舒緩更年期嘅藥物，會改善潮熱、瞓得唔好或者蒙胧嘅情況。如果適合嘅個案，可以試荷爾蒙補充藥物，減少更年期癥狀。
主持人 : 會唔會打多啲荷爾蒙補充劑好啲，喺藥物之外會唔會改善多啲呢？
精神科專科醫生陳蔓蕾醫生 : 其實唔駛特別高，有少少就得。荷爾蒙補充劑份量比普通避孕藥低，可能低到三分一左右，所以有啲就夠。就唔需要特別高，因為我哋只係想由生殖能力過渡到完成一個生命週期，將女性荷爾蒙降低少少，慢慢適應呢件事，等身體同心理適應，咁會更好。