女士更年期抑鬱症診斷方法| TVB流行都市主題 女士更年期抑鬱症問題|嘉賓 精神科醫生陳蔓蕾醫生|主持人 胡諾言&張美妮

主持人 : 明白。咁我想問，醫生會點樣診斷一個人係咪真係有更年期抑鬱症呢？

精神科專科醫生陳蔓蕾醫生 : 其實首先係臨床診斷，睇佢有冇抑鬱嘅癥狀先。咁然後再睇佢有冇更年期嘅癥狀。當然除咗臨床診斷之外，都要抽血睇佢嘅經期，女性荷爾蒙係咪真係跌到一個更年期嘅水平。因為有好多情況，譬如心情抑鬱本身會令到排卵暫停，咁個荷爾蒙水平同更年期有啲唔同，所以抽血會見到。