女士更年期抑鬱症持續時間| TVB流行都市主題 女士更年期抑鬱症問題|嘉賓 精神科醫生陳蔓蕾醫生|主持人 胡諾言&張美妮

主持人 : 嗯，聽醫生講，真係好容易會焦慮。咁我想問下，如果更年期女性嘅抑鬱，通常會困擾一個人幾耐嘅時間啊？

精神科專科醫生陳蔓蕾醫生 : 其實通常個經期慢慢疏落，排卵一路下跌嘅時間，就大約係完全停經之前嘅1年，到停經之後嘅兩三年，呢一段期間發生。嗯，咁所以都幾長下㗎。

主持人 : 其實係咪過咗，就會突然間完全好返嗮咁樣㗎？

精神科專科醫生陳蔓蕾醫生 : 其實如果抑鬱症嚟講，呢個更年期就好似一個觸發點咁樣。觸發咗抑鬱症之後，其實都要得到適當嘅治療，先會好返。如果唔係，都可以持續好耐㗎。