主持人 : 係啊，首先我想問下，即係更年期嘅女士會患抑鬱嘅風險，比起一般嘅女士呢，係咪高出好多倍呢？
精神科專科醫生陳蔓蕾醫生 : 係啊。其實一般女士話呢，抑鬱症嘅風險呢，每一年根據外國嘅資料顯示，係大約10%。咁如果係更年期嘅女士呢，佢個抑鬱症嘅風險就會變成30%㗎喇。嗯咁當然，如果女士以往有抑鬱症嘅記錄，一個更年期嘅女士呢，佢會提升到60%㗎。嗯，OK。
主持人 : 咁講返香港嚟講，你覺得即係更年期抑鬱症嘅女士，嚴唔嚴重啊？
精神科專科醫生陳蔓蕾醫生 : 其實都係相當嚴重嘅，尤其係香港都市，生活壓力又好大啦，係咪？咁我哋對住所有嘢其實都好緊張，好繁忙啦，咁其實抑鬱症嘅風險真係相當大㗎。