我們知道,即係2018年,世界衛生組織就將遊戲障礙正式列入呢一個國際疾病分類入面啦.
其實乜嘢係遊戲障礙呢?係咪即係沈迷打機咁解?
陳蔓蕾精神科醫生：
其實都係㗎!
因為呢設計遊戲的工程師呢,其實佢會將一啲遊戲,設計成為盡量令到玩家留係個遊戲入便越耐就越好的咁.
於是乎呢佢就會㩒一啲掣啊或者做一啲好細的動作咁,就會令到你有一啲眼睛的功能的刺激啦,耳朵的功能的刺激咁呢,令到個玩家呢,就不斷咁樣keep住係個遊戲入面咁.
這些遊戲就係一啲即時的獎勵啦嘛,咁然後呢,佢又會隨機做一啲好大的獎勵出嚟咁,令到個玩家就會覺得啊,我做左少少的即時獎勵,應該我係會期待有一個更加大的即時獎勵的咁.
於是乎呢個玩家就會留係入便,就不斷咁樣玩落去啦咁,於是乎消耗的時間就越嚟越多啦,而這些不斷的獎勵,亦都會令到佢decision making呢,會做錯左的.
佢本來就應該知道我係應該放低部機,然後就去讀書或者做其他正經的嘢的,不過呢因為這些即時的獎勵不斷咁出現,咁就令到佢哎呀其實不如我玩多陣啦,應該都OK的咁,於是乎就一路就咁玩落去啦.
嗯我都好明白呢個感受,因為都試過有時玩一個遊戲玩到,通宵達旦咁囉.
咁但係點樣去界定係成癮啊?抑或係我只係鐘意去玩遊戲啊或者賭博呢一啲問題啊.
咁就睇下嗰個活動係控制住你,定係你控制住個遊戲啦嗱.
因為如果我諗打機,我鐘意幾時開始都得,我可以玩幾耐都得,而我幾時可以收埋部機都得的.
咁呢個你就係自己掌控左呢個遊戲本身啦,但係如果你控制唔到的,我都唔知幾時諗開始但係開始左啦,就唔知玩到幾點鐘我先至會收機㗎woo,咁呢一個就係個遊戲控制左你啦咁,賭博亦都係相同的道理.
咁如果你只係玩下,咁我知道啊我贏左咁上下或者我輸左咁上下或者我玩左啊都好一段時間嘞woo.
我照走啦咁,我可以即刻走到的咁,呢個咪就係你控制個賭博囉.
嗱如果個賭博調返轉,我都唔知幾時要賭完的,甚至個影響自己個經濟狀況或者影響到他人的時間,咁呢個就賭博控制左你,咁就係沈迷啦.