咁有冇一啲藥物的治療可以幫到佢哋㗎？
精神科醫生陳蔓蕾醫生：
咁其實主要都係睇返佢背後有咩病的。
譬如有抑鬱與焦慮的話，咁其實當然係開返血清素或者其他抗抑鬱藥。
令到佢哋焦慮或者抑鬱個病情呢，係舒緩到咁佢就唔會成日諗住，我不如去賭錢，忘記我的憂愁，忘記我焦慮啦咁樣。
咁如果嗰個人係躁狂症，覺得我大把錢的使咁啲零頭冇所謂啦咁樣。
咁如果係咁的話，咁當然係要食返一啲藥物呢，令到佢情緒會平穩返一啲啦咁。
至於而係一啲其他毒品成癮的話，佢其實都唔知自己其實係倒咗幾多錢落海的，完全唔知，佢哋冇晒意識㗎，嗯佢都懵懵盛盛㗎喇，已經係毒品已經發攪到麻醉咗，即係個判斷力都係好低啦咁，其實佢都唔知倒咗幾多錢的時間咁，當然係要幫佢戒毒啊咁所以呢，呢啲其實主要都係醫佢背後的成因的咁。
至於有冇藥物真係針對賭博成癮的呢，咁而家其實都有人研究緊的，不過仲係起步階段，暫時就未有一個結論出嚟的
如果咁樣樣呢，要醫幾耐啊？
咁其實都係因人而異㗎，你諗下呢個賭博成癮都唔係一朝一夕養成㗎嘛！
你要攪幾耐，其實就睇佢本身個人的性格，係咪好沖動啊？佢背後個病我哋精神科醫生究竟係要醫幾耐先醫好啦咁，跟住佢自己的賭齡有幾長woo，佢係咪好細個開始賭啦咁，同埋佢而家的歲數究竟係幾大呢。
一般嚟講呢，後生啲的人呢，其實佢的賭癮係會大啲的，年紀大啲又賭賭返細啲個woo。