主持：
有冇咩特別原因出現抑鬱症呢？
精神科專科醫生陳蔓蕾醫生：
其實抑鬱症本身都係多因性咁所以呢有好多不同既原因啦咁譬如遺傳是一個因素啦，咁佢自身的性格譬如佢會不會對啲事物要求好高啊，對自己要求好高啊，有陣時呢會看嘢好負面消極啊咁本身自信心都係低落既咁容易啲啦！咁譬如外在因素呢譬如個環境又比較高壓啦！譬如近呢幾年發生好多各種不同咁事情啦咁！
加上我哋冇一啲正面既嘢與正面既活動可以平衡自己。咁譬如少咗出街啊！少咗旅行啊！少左做運動啊！少咗曬太陽啊係咪。
咁呢D呢都會令到我地個身體精神都會削弱咗㗎嘛！
主持：
咁係真係出現咗抑鬱症喇其實有冇得醫的？同埋有無機會斷尾㗎？
精神科專科醫生陳蔓蕾醫生：
其實呢而家個科技好發達㗎啦咁藥物都好多進步的！咁所以呢而家好多藥呢食咗之後呢啲病人呢其實都會好返嗮。
咁有啲病人呢其實之後就不用再食藥了。
咁如果咁呢可以唔使食藥一段時間咁其實就好似感冒咁啦，咁已經都叫做好似叫斷尾好返咁啦！
咁但係呢當然啦，人其實係都總會遇到啲不開心的事啊周圍既環境會好多變遷其實都不擔保一定不會再發生呢啲病。